|
07/08/2011
文: Katie
歐洲各大聯賽陸續開咧,Katie又同各位讀者見面啦!上季收到好多讀者email問我有冇男朋友喎,查實我仲係Single,點解?因為我唔鍾意畀人管,鍾意自由囉!
你話如果揀着個好似赫斯老闆羅曼洛夫咁嘅男友,就真係喊都無謂。佢成日干涉領隊排陣、買人,開季冇耐仲炒咗主帥謝菲利斯添,多管閒事兼冇耐性,呢啲男人點頂呀?新帥保羅沙治奧初登蘇超唔知頭唔知路,又未摸熟隊波,今晚造訪有前鋒希當傷愈復出、開咧兩戰都冇失波嘅馬瑟韋爾好牙煙,Katie梗係撐馬瑟主勝啦。
外國長大半個鬼妹仔,自細因爸爸成日帶朋友返屋企睇波而愛上足球,鍾意睇靚仔但唔會盲目追捧,最緊要係好波。
|
|