|
07/08/2011
今晚曼徹斯特打吡戰,兩位前馬德里體育會名將迪基亞及阿古路將各為其主,西班牙鋼門迪基亞會為紅魔鬼把關,接受曼城前鋒阿古路嘅挑戰,迪基亞笑言唔會畀任何人射破佢十指關,即使好友兼「球王女婿」都冇面畀!
迪基亞早前喺熱身賽獲得不俗評價,領隊費格遜及隊友均對佢讚不絕口,今次正式比賽上陣,對手就係同市宿敵曼城,迪基亞話未驚過,因為以前馬德里打吡氣氛一樣咁熾熱,佢依然發揮水準,故今仗有信心保持清白之身。
另一邊廂,曼城領隊文仙尼今仗亦打算派新援阿古路上陣,不過佢有啲傷,狀態未托弗,故可能先任後備。
|
|