巴迪半場搞掂連菲特

猪拉多纳

13/07/2011
文： ComboKing

今晚續演歐聯外圍賽第二圈首回合，阿King推介白俄羅斯冠軍巴迪，作客可挫北愛爾蘭連菲特，不過客Ｗ只得1.3倍略欠分頭，睇番巴迪最近三次作客贏波都係上半場早早領先，1.82倍「半場勝」值得一試。




（周四凌晨2時45分開賽）




巴迪係歐聯外圍賽常客，對上四季都能突破第二圈，而且於08/09一季更打入32強分組賽，實力不容忽視。連菲特雖然係上季北愛雙料冠軍，但去到歐洲戰場卻明顯未夠班，去年第二圈就被洛辛堡踢出局。


洛辛堡超班有鑊氣


北愛爾蘭球季仲未開咧，連菲特只係踢過一場熱身賽咁大把，論狀態肯定不及正值季中嘅巴迪。巴迪近四場作客三勝一負，三次贏波都係開出「半勝全勝」，如果嫌客Ｗ賠率太低，不妨向「半場客勝」埋手。




另外兩場賽事，格拉茨主場對維迪奧頓，匈牙利冠軍維迪奧頓今季由葡萄牙名將保羅蘇沙接手，球隊仍處調整期，而且兩大主力辛杜爾及艾高斯伊歷克於上周匈超盃受傷，今場作客料會先穩守，首選入球細。另一場洛辛堡主場鬥比達比歷屬強弱懸殊之戰，主隊淨勝兩粒冇難度，捧洛辛堡「讓球主勝」。