|
06/07/2011
文: 郭球奇
正所謂寧捧當頭起,聽朝美職紐約紅牛主場對FC多倫多,球奇捧「讓球客勝」!事關多倫多啱啱成為加拿大王者,士氣爆晒燈,對住近11場聯賽只得1勝嘅紅牛,要保不敗有幾難?(開賽時間:周四早上8:00)
亨利未必踢紅牛殘陣
紐約紅牛近排衰到貼地,早排更傻到用王牌迪羅沙里奧交換華盛頓聯隊嘅新人達斯麥卡地,咁都算,紅牛日前作客地震,教練巴基因病缺陣,射手亨利更連後備都冇,最終紅牛同對手踢成2:2,錄得11戰不勝,以上兩人暫時未知可唔可以復出,加埋前鋒洛捷斯、中場卡爾羅賓遜、後防艾伯特同馬基斯仍然養傷,想反彈唔易。
對家FC多倫多近排威過威士忌,日前喺加拿大錦標賽兩回合計以3:2擊敗白帽封王,取得下屆中北美洲冠軍盃嘅預選賽資格,賽後全隊上下都話呢場勝仗大大增強佢哋信心,今仗客戰士氣低沉嘅紅牛,贏埋都唔奇o架!
|
|