科蘭兩大紀錄叫胡

猪拉多纳

04/07/2011


烏拉圭射手科蘭自○二年起入選國家隊，賽前上陣次數已達七十六次。而今屆美洲國家盃科蘭將有望刷新兩項新紀錄，包括國家隊上陣次數及入球紀錄。其中入球紀錄隨時會喺今場對秘魯時打破。現時烏拉圭史上入球最多球員係殿堂級名將舒卡朗尼，紀錄係三十一個國際賽入球。而已取得廿九球嘅科蘭，今場對秘魯如能大演帽子戲法就能破紀錄。


差3球做烏拉圭No.1射手


另外國家隊出場次數方面，排頭位仍然係七十九頂喼帽嘅門將洛杜爾科洛迪古斯，科蘭就以七十六場排第二。若果科蘭三場分組賽都出足的話即可追平紀錄。其實兩項紀錄都進入「射程範圍」，應該難唔到科蘭。而另外兩名烏拉圭前鋒蘇亞雷斯及卡雲尼都話會協助科蘭衝擊入球紀錄，無論罰球或十二碼都優先讓畀科蘭處理，認真唔話得。