澳洲赤道畿內亞大晒冷

猪拉多纳

03/07/2011
文： 笛子波童

另一場D組賽事，澳洲女足於波琴鬥赤道畿內亞女足，兩軍首仗齊齊失三分，無論為爭出線或為面子，今仗都再冇保留餘地，基於雙方防線都唔算穩陣，波童今場捧1.75倍入球「大」。




（有線64台周日晚8時直播）




經過首輪熱身，各隊踏入次輪踢法明顯較開放，好似A、B兩組次輪四場賽事，除德國小勝尼日利亞外，其餘三場全部開大。澳洲、赤道畿內亞首仗均輸波，想爭出線今仗固然要搶三分，如果唔想做三零部隊，面對實力最接近對手，自然係爭取表現嘅最佳時機。


和波大家冇着數


赤道畿內亞雖然係首度亮相決賽周，不過首仗對挪威表現一啲都唔失禮，如果前鋒艾安曼把握力好啲，絕對有權取得入球。澳洲上仗輸畀巴西全因技不如人，今次唔使主守，相信可憑較佳身材於高空波搶得優勢。兩軍踢法各走極端，赤道畿內亞擅於地面組織，澳洲則鍾意高Q大棍，一旦對攻不難在對方身上攞到甜頭。今場和波對雙方都冇着數，隨時出現對攻局面，開出大波膽。