奧雷布洛折箭獻細

猪拉多纳

03/07/2011
文： ComboKing

今日阿King集中推介瑞典超，奧雷布洛主場對艾夫斯堡，馬會開平手盤似乎雙方都冇贏波把握，捧細盤。奧軍今仗有主力艾真度比杜亞踢完美洲金盃回歸，但身心俱疲未必落場。艾堡作客戰鬥力大減，攻力極度疲弱，相信今戰入波唔會多。（周日晚10時30分開賽）




奧雷布洛近兩仗都輸一比二，同艾真度比杜亞缺陣有好大關係，該名美國國腳本季已取得四個聯賽入球，而佢於美洲金盃亦有好演出。此子雖有質素，不過經過舟車勞頓，今戰上陣機會唔大，就算可以落場亦未必可以踢出水準。


米贊比偷赫根雞


艾夫斯堡剛於歐霸盃外圍賽取得大勝，但該仗係主場出擊，球隊一作客就得番六成戰鬥力，近四作客只得一勝。今場雙方都冇贏波把握，而艾堡近五次作客聯賽有四次開細，細盤好路。




馬模主場對諾高平，雙方都受嚴重傷停問題影響，近期都未能發揮正常水準，馬模今戰雖有主場之利，但未必可以大數對手，預料小勝居多，捧馬模「讓球和」。最後赫根主場對米贊比，赫根剛於歐霸外圍賽作客盧森堡球隊卡爾贊，打成一比一平手，周中要踢次回合非常頻撲，客軍米贊比有力偷雞，要「讓球客勝」。