|
|
01/07/2011
文： 自由恆
唔少人對女子世界盃嘅印象都係大！大！大！事關上屆揭幕戰開咗個11:0波膽，但今屆踢完首輪分組賽之後，得出嘅結論同去年南非世盃初段一樣，入球細＋半場和唔信唔信又一場。
睇完首輪之後，發覺再冇魚腩部隊，畢竟各地女子職業聯賽相繼成立，令各隊實力明顯拉近，比賽亦較往屆體力化。加上頭場開波嗰陣仲係烈日當空，氣溫接近30度，唔少球員去到70分鐘都莫晒氣，入球就自然少，相信去到第二輪分組賽亦唔會有太大分別，玩即場嘅朋友可以考慮追細，畢竟足智彩推出升級版入球大細之後，細嘅賠率冇往時咁乏味。
入波唔多玩細有着數
日本女足繼首輪分組賽之後，今晚又一次喺頭場出擊，仲記得佢哋上仗初段係威係勢，畢竟腳下功夫唔曳，可惜體能麻麻，面對神高神大嘅新西蘭女足，去到下半場初段已經無以為繼，最終只係靠一個自由球奠勝。今仗面對冇乜高妹嘅墨西哥，預計上半場優勢會較明顯，但體力頂唔頂到下半場末段就好成疑問，投X策略係先取1.9倍半場主勝，想細細地博冷嘅話，可以考慮19倍「主和」。（有線64周五晚9:00直播）
|
|
金睛卡
发表于 2011-7-1 12:47
变色卡
显身卡