全北汽車韓聯盃踩油

猪拉多纳

29/06/2011


南韓球圈近期受到假波醜聞影響，不過賽事並冇因此暫停，今日有南韓聯賽盃八強賽事上演，榜首全北汽車作客蔚山現代，全北人強馬壯，級數明顯高過對手，今場有力贏波晉級。 （周三晚６時開賽）


往績食住蔚山現代


全北汽車陣中擁有大批星級球員，包括李東國、路爾斯軒歷基及伊連奴等，喺國內明顯超班，所以今季於韓職一馬當先，聯賽十五戰贏十一場，由於佢哋今季參戰亞冠盃，所以唔使踢韓聯盃分組賽，直接進身八強。




佢哋近三次對蔚山現代全勝，明顯食住對手，今場贏波機會高唱入雲。賽制方面，八強採淘汰賽方式，賽事全部一場過。