哥連泰斯叉足電聖算高

猪拉多纳

26/06/2011
文： 牛奶仔

今晚巴甲上演一場前列大戰，抖足兩個星期嘅哥連泰斯喺主場出擊，迎戰缺少咗首席射手嘅榜首聖保羅，有力延續一面倒嘅對賽往績全取3分，主隊讓平半宜捧上盤。（開賽時間：周一凌晨3:00）




聖保羅利箭服役




至今3勝1和不敗嘅哥連泰斯，養精蓄銳後今晚再度出擊，雖然有前鋒佐治漢歷基因傷缺陣，但其拍檔韋利安高美斯狀態大勇，近2場聯賽共攻入3球，拍住經驗豐富的列特臣，哥連泰斯今仗於主場唔難取得入球。




至於聖保羅開季5場聯賽全勝排榜首，但其實5場嘅對手都只屬巴甲二、三線球隊，不足為據，加上佢哋今仗缺少被徵召入國家隊嘅首席射手盧卡斯洛迪古斯，以及受傷嘅路爾斯法比安奴，入球能力所餘無幾，作客出戰自然更難望取得優勢。再睇埋往績，聖保羅近4次作客哥連泰斯都輸波而回，當中更平均失成3球波咁多，今仗仲要冇埋兩名主力，睇怕連勝紀錄都要斷纜啦。