「小牛」寸「幼獅」二打六

猪拉多纳

12/06/2011


兩支小虎隊交手前先爆發口水戰，西班牙中場堤亞高艾簡達拿嘲笑「幼獅」只屬二打六，根本唔識佢哋。英格蘭翼鋒馬克艾拜頓反駁指西班牙進攻足球並非無敵，揚言球隊會出奇制勝，剝佢哋棚牙。




効力巴塞隆拿嘅堤亞高艾簡達拿話，淨係識韋舒亞同米卡李察士：「提起英格蘭U21，我哋只係識韋舒亞同米卡李察士，不過佢哋今屆都冇份參賽，對我哋係一個好消息，我哋踢悅目足球，比英格蘭更優勝，可以贏出今場比賽。」




至於効力維拉嘅馬克艾拜頓指堤亞高艾簡達拿大言不慚：「如果今場比賽係靠幻想分勝負，西班牙或者會贏，因為佢哋一直以為自己最犀利，但我要講，我哋今仗一定會殺對手措手不及。」由於巴塞喺歐聯決賽擊敗曼聯，馬克艾拜頓更加希望勝出今場比賽，為英格蘭足球爭一口氣。