柏雷素爾唔赦水手

魑魅魍魉

11/06/2011
文： SAMVO肥叔

美洲金盃啱啱打緊分組賽，睇番尋日墨西哥對住古巴場波，踢到六十分鐘墨軍贏緊一比○，大細中位數仲係四球半，引咗唔少人買細，結果墨西哥贏夠五比○即時收工，有冇咁橋呀？




其實賭錢又好，做乜都好，肥叔幾時都堅持要公平公正，喺呢行做咗咁多年，每次見到呢類問題賽事都好唔開心，不過呢個世界太多人畀利益蒙蔽良心，既然改變唔到人哋，惟有改變自己。由於美洲金盃涉及太多人為因素，肥叔嚟緊盡量唔會作出推介，以免誤導讀者。




講番今次心水，日職賽事橫濱水手主場對柏雷素爾，捧柏軍！柏雷素爾上次於盃賽輸波，但呢班波向來以聯賽為首要目標，今季踢落非常對辦，絕對有條件繼續領放，今次對住水手仲有得受讓，盤口相當着數，呢場下盤絕對值得留意。 （周六下午1時開賽）


U21冰島卡士勝白俄


同日U21歐國盃開打，A組白俄羅斯對冰島，冰島大國腳水平麻麻，但係小將踢落唔差，之前連德國都砌低埋，同時亦贏過英格蘭，絕對唔講得笑！冰島U21今次對住白俄，計級數佢哋一定高啲，現時讓平半至半球合理，呢隻上盤亦可留意。




（周日凌晨零時開賽）


肥叔心水


柏雷素爾 下盤

冰島Ｕ21 上盤

巴拉圭 上盤