英幼獅鬥挪威玩大輪換

猪拉多纳

05/06/2011
文： 麥馬拿仁

國際熱身賽，英格蘭U21主場對挪威U21。「幼獅兵團」冇安祖卡路爾、韋舒亞、米卡李察士壓陣，而且為避免於U21歐國盃決賽周前出現傷兵，「讓球主勝」博唔過。挪威攻強守弱，就算輸亦有力破蛋，今戰捧大！ （now 671周日晚10時直播）




U21歐國盃決賽周於本月中喺丹麥舉行，為備戰大賽，英軍今晚約戰挪威拍跳。雖然大牌安祖卡路爾、韋舒亞都冇入選，而米卡李察士又剛因傷退隊，但英軍仍有唔少當打英超猛將壓陣，前線會搵史杜列治、韋碧克孭飛，中場就以佐敦軒達臣擔大旗，後防則有基斯史摩寧、菲爾鍾斯守住，計質素肯定遠勝對手。


挪威U21踢開放足球


不過，大賽決賽周迫在眉睫，領隊皮雅斯唔會畀球員去盡，半場或大量輪換，一來減低球員出現傷患機會，二來亦唔畀決賽周對手睇通實力，今仗主W只得1.25倍，博「讓球主勝」又兇險得滯，轉博大盤好過。




挪威U21實力麻麻，於第七組外圍賽八戰二勝一和五負出局，但當中入十四球失十八球，有七場都開大。面對小組冠軍克羅地亞，佢哋主場都要輸一比三，作客就輸四個一皮，呢班波娛樂性十足，就算輸到三、四球依然唔會自暴自棄，係快樂足球嘅代表，今次去到溫布萊有力入波，追大啱數。