費10大「奇迹護級」案例

猪拉多纳

22/05/2011


英超榜尾形勢混亂，賽前英國《Talksport》特別精選英格蘭足球史上十大「奇迹護級」案例，鼓勵「5苦」未到最後一刻，都唔好放棄！




1.盧頓：83 - 84球季




盧頓喺英甲煞科日同曼城上演護級戰，賽前盧頓落後對手1分，最終盧頓1:0贏波成功護級兼踢對手落乙組。




2.愛華頓：93 - 94球季




愛華頓喺英超最後一戰主場對溫布頓，開賽25分鐘就落後0:2，但最後連入3球，反勝3:2上岸。




3.卡素爾：98 - 99球季

卡素爾喺英丙煞科戰一定要贏普利茅夫先可以上岸，卡素爾最後憑門將格拉斯補時建功贏波，戲劇性留級。

4.高雲地利：96 - 97球季

高雲地利喺英超煞科戰作客以2:1擊敗熱刺，以1分力壓新特蘭成功護級。

5.韋斯咸：06 - 07球季

韋斯咸喺英超煞科戰作客以1:0擊敗篤定冠軍嘅曼聯，成功留喺英超。

6.巴拉福特：99 - 00球季

巴拉福特喺英超最後一戰對利物浦，結果巴拉福特爆冷贏1:0，成功上岸。

7.西布朗：04 - 05球季

賽前西布朗排包尾，但最後一戰主場贏樸茨茅夫，加上其餘3隊同時失分，最後連升3級保住英超席位。

8.富咸：07 - 08球季

富咸喺英超煞科戰作客贏樸茨茅夫，最後憑得失球差力壓雷丁成功護級。

9.奧咸：92 - 93球季

賽前奧咸排20，落後水晶宮3分兼差一個得失球，但奧咸煞科戰贏修咸頓4:3，加上水晶宮0:3不敵阿仙奴，最終奧咸憑較佳得失球保住英超席位。

10.托基聯：95 - 96球季

托基聯踢完英丙煞科戰後繼續包尾，但由於當屆英丁冠軍史提芬納治嘅主場唔符合英丙資格，結果托基聯行大運，留喺英丙。