莫迪大禍臨頭

猪拉多纳

19/05/2011
文： 渡邊年

挪超快車今輪八場，睇番成個大勢，似乎都係旺下盤，大家揀波時先要度清楚。今日推介畀大家主要集中喺入球大，莫迪主場對費德列斯達及薩普斯堡主場對阿里辛特都係開大格。另外，繼續推介特林素「半場和」，球隊連開九口，冇理由唔再追。 （周五凌晨1時開賽）




先講莫迪對費德列斯達，今場係有啲冷味，莫迪近四仗聯賽三勝一負，喺教練蘇斯克查調教下，球隊從季初反彈，表現有板有眼，不過對手費德列斯達升班後亦有讓人刮眼相看表現，現時同特林素、白蘭恩、史卓加斯特及阿里辛特都同得十三分，只因得失球差排第三，鍾意扒冷嘅朋友可以試吓費德列斯達，不過渡邊年今場都係偏向穩陣，寧願揀入球大好過。


阿里辛特近5仗入19球


至於薩普斯堡對阿里辛特都係鍾情入球大，薩普斯堡向來靠主搵食，聯賽主場三連勝，不過球隊最近四戰都係作客，連盃賽在內四仗獲兩勝一和一負，其中上輪聯賽對特林素更以二比二逼和對手，炮製入球騷，球隊正在上力。對手阿里辛特仲勁，連盃賽已經五連勝，合共入咗十九球，平均每場入近四球，剩係一隊都夠開大。




最後再跟進番特林素，上仗對薩普斯堡雖然贏唔到波，但「半場和」仍未斷纜，上次中咗嘅朋友當然要繼續買，未買過嘅不妨試多次，未必追寶尾o架！